潼潼笑得好大聲

今日食完晚飯後,老例同個女玩一陣, 之前好多次引佢笑,但係都唔成功。眼見佢呢排好似識左好多野咁,繼續努力,點知今晚引到佢笑,仲笑得好大聲,之後唔知佢係咪開心過頭,一見到我就好大聲咁叫,把聲又大,十足佢阿媽咁樣。

阿媽成日話唔好玩得咁癲,如果唔係夜晩會發惡夢,唔知個女今晚會唔會訓得唔好,有少少擔心呀。